AMAS,
Kidapawan City (Sep
21) – Abot sa 500 na mga fruit trees at 500 na rubber seedlings ang itinanim ng
mga kasapi ng Philippine Councilors League – Cotabato Chapter kaugnay ng pagdiriwang
ng ika-25 anibersaryo ng samahan noong Sep. 18, 2015.
Ginawa ang tree planting sa bahagi ng
Malinan Elementary School, Barangay Malinan, Kidapawan City kung saan abot sa
200 na mga miyembro ng PCL-Cot Chapter ang nakiisa sa aktibidad.
Ayon kay PCL-Cot President at Ex-Officio
Board Member Rogelio Marañon, ito ay pagpapakita ng kanilang suporta sa
anibersaryo ng PCL na may temang “Celebrating 25 Years of Public Service Above
Self”.
Naniniwala ang PCL-Cot na sa pamamagitan ng
dagdag na mga punong-kahoy ay lalakas lalo ang environment protection and
preservation campaign ng pamahalaan.
Nakiisa sa aktibidad si Cot Gov Emmylou
“Lala” J. Taliño-Mendoza na nagpahayag ng ibayong suporta tree planting activity
at sa iba pang isinusulong ng PCL-Cot Chapter.
Ikinatuwa naman ng Malinan Elementary School
ang pagtatanim sa kanilang paaalan ng 1,000 punong kahoy dahil tiyak na
makatutulong ito sa panahon ng kalamidad tulad ng flashflood at iba pa kaya’t
sumama rin sa aktibidad ang pamunuan ng naturang paaralan. (JIMMY STA. CRUZ-PGO Media Center)
0 comments:
Mag-post ng isang Komento