(Datu Montawal, Maguindanao/ February 18,
2015) ---Patuloy ngayon ang pananawagan ng Datu Montawal PNP sa kung sino mang
may kamag anak na nawawala itoy matapos na may natagpuang palutang lutang na
bangkay ng isang lalaki sa bahagi ng Tunggol Bridge sa bayan ng Datu Montawal, Maguindanao alas 11 ng umaga kahapon.
Sa eksklusibong panayam ng DXVL News kay PInps
Razul Pandulo ang hepe ng Datu Montawal PNP, walang naman umanong mga senyales
na binaril o sinaksak ang nakita sa katawan ng biktima.
Dagdag ng opisyal na tinatayang dalawang
araw ng patay ang nasabing bangkay, 5’1’’ ang taas nito, nakasuot ng maong
pants, naka brown t-shirt, merong biguti at balbas at medyo mahaba ang buhok,
at nasa edad 30-40 anyos ng nasabing bangkay.
Sa ngayon ay nasa Villa Hosa Funeral Homes
ang mga labi ng biktima sa bayan ng kabacan.
Wala naman umanong naiulat na insidente sa
kayang nasasakupan, dagdag pa ni Pandulo at nakikipag ugnayan na sila sa
opisina ng PNP sa Kabacan, Pagalungan at Pikit kung meroon bang may naiulat na
insidente sa kanilang nasasakupan ngunit naging negatibo naman ang tugon ng mga
ito.
Sa ngayon ay patuloy pa ang pangangalap ng
imposmayon kung saan nanggaling ang nasabing bangkay at nanawagan narin na kung
sino man ang nawawalan ng kamag anak o miyembro ng kanilang pamilya na
makipagugnayan sa kanilang pamunuan o icontact lamang ang 09168929062.
Nagpapasalamat naman ang opisyal sa
kooperasyon ng mga mamamayan ng bayan ng Datu Montawal. Mark Anthony Pispis
0 comments:
Mag-post ng isang Komento