(Pikit, North Cotabato/ February17,
2015) ---Patuloy ngayon ang pananawagan ng Pikit Municipal Disaster Risk
Reduction and Mangement Council na tuldukan na ang giriian ng dalawang armadong
grupo matapos na umakyat na sa isang libung pamilya ang nagsilikas sa
kani-kanilang pamamahay sa boundary ng Pikit, Cotabato at Pagalungan,
Maguindano.
Ayon kay Pikit MDRRMC Head Tahira
Kalantungan sa panayam ng DXVL News, umaabot na sa anim na barangay ang
apektado sa nasabing giriaan mula sa Brgy. Kabasalan, Brgy. Buliok, Barungis at
mga barangay na sakop hanggang sa Brgy. Bago Inged ng nasabing bayan at
umaabot na sa isang libung pamilya o may kabuuang bilang na mahigit kumulang sa
9 na libung idibidwal ang nagsilikas bunsod sa nagpapatuloy na tensiyon sa
lugar.
Dagdag pa ng opisyal na takot umano
mula sa panaka nakang putok ng baril ang dahilan upang magsilikas ang mga
sibilyan.
Nananawagan naman ang opisyal sa mga
armadong grupo na tuldukan na ang girian ng mga ito sapagkat ang direktang
naapektuhan ay mga walang kinalamang mga sibilyan sapagkat meroon nang
nagkakasakit sa mga evacuation centers at sa katunayan ay naglagay na nga sila
ng command post ng health para tumutok sa mga nagkakasakit na sa lugar. Mark Anthony Pispis
0 comments:
Mag-post ng isang Komento