(Kabacan, North Cotabato/ February 14, 2015)
---Nagmistulang concert ang hearing na isinagawa ng kongreso patungkol sa
Mamasapano clash.
Ito ayon kay Local Monitoring Team Jabib Guibar
sa panayam ng DXVL News.
Aniya ay nag- aagawan umano ng mikropono ang
mga kasapi sa Kongreso upang makita ng kanilang mga constituents at ng mga tao
na sila umano ay dumalo sa nasabing hearing.
Dagdag pa ni LMT Guiabar na maaring
nagpapakitang gilas lamang ang mga ito dahil malapit na umano ang eleksyon.
Samantala, inihayag naman ni Guiabar na ang
nakakalungkot sa naganap na hearing ay reaksyon ng karamihan na sumasang- ayon
sa all out war sa kabila ng pahayag ng mga militar na hindi maganda ang
pagkakaroon muli ng gyera.
Kung may pagkakamali umano na nangyari sa
Mamasapano ay huwag na sanang dagdagan pa ng isa pang pagkakamali kung saan ay
marami na namang buhay ang mawawala.
Sinabi pa nito na hindi umano dapat na
pakinggan ang mga nagsasabi at umaayon sa all- out- war sagkat karamihan umano
sa kanila ay mga taong nasa maayos na kalagayan at malayo sa maaring
pangyarihan ng gyera.
Dagdag pa niya na kapag may nangyari nanaman
umanong gyera ay makikibalita lang naman sila at hindi naman sila maaapektohan
sa mga kaganapan.
Samantalang sila naman na nasa Mindanao ay
naghihirap lalo na sa tuwing may nagaganapa na mga kaguluhan.
Ngunit hindi naman nawawalan ng pag- asa si
Guiabar na maipagpapatuloy parin ang malapit na umano sanang matapos na usaping
pangkapayapan o ang pagsusulong ng Bangsamoro Basic Law o BBL at hindi
maaapektuhan sa nangyari sa Mamasapano.
Samantala, inihayag naman ni Local
Monitoring Team Guiabar ang kanyang naging damdamin sa pahayag ni Senador
Cayeta patungkol sa mga Bangsamoro na sila umano ay mga Terorista.
Nagbigay naman siya ng depenisyong patungkol
sa terorista na ito umano ay ang sino mang magpapasimuno ng kaguluhan at
magiging sanhi ng pagkakawatak- watak ng sambahayang Pilipino.
Diin pa ni Guiabar, ang terorista umano ay
ang mga senador na nagnanais ng gyera. Tulad na lamang umano ni Senador
Cayetano na nagnanais ng gyera sa Mindanao, siya umano ang terorista.
Nananawagan naman si Local Monitoring Team
Jabib Guibar sa mga Kapatid niyang mga Moro pati na rin sa mga Kristyano na
manatiling Mahinahon at h’wag making sa sinasabi ng iba na magdudulot ng di
maganda sa ating bayan.
Ipagpatuloy umano nating mga taga- Mindanao
ang ating samahan dahil tayo umano ang higit na nakakaalam ng makabubuti para
sa atin sa Mindanao. Christine Limos
0 comments:
Mag-post ng isang Komento