(Kidapawan City/ February 13, 2015) ---Binigyang
diin ng Disaster and Crisis Lead Energy Development Corporation ang kahalagahan
ng pagiging handa ng media sa ano mang sakuna o disaster na nangyayari.
Sa panayam ng DXVL news kay Dr. Ted Esquera
ng Disaster and Crisis Lead Energy Development Corporation ipinaliwanag niya na
ang media ay katulad din ng mga nagtatarabaho sa National Disaster Risk
Reduction management Office o NDRRMO, CDRRMO, mga kapulisan at kasundaluhan na
dapat may dala na ready disaster kit upang may nadudukot sa panahon ng
kalamidad.
Aniya ang media ay tulad din ng sundalo na
dapat ay last man standing dahil may papel na ginagampanan sa kumunidad na mag
bigay impormasyon at magbigay babala sa pamamagitan ng radio, telebisyon o
dyaryo.
Dapat umano ang mga prime movers ay maging
ihemplo sa paghahanda.
Dagdag pa ni Dr. Esquera na ang dapat unang
kailangan paghahandaan ay ang way of life sa pang araw araw na tulad ng
paghahanda sa educational plan ganun din daw umano ang paghahanda sa disaster
plan. Dapat ito umano ay pinaplano at pinag uusapan ng pamilya.
Ito ay kampanya
ng bawat isa ng bawat pamilya at ng bawat komunidad.
Adhikain nito na maituro sa mga tao ang life
saving skills kapartner ang gobyerno at disaster upang sa susunod na kalamidad
ay kukunti na lang ang maging biktima.
Malaki din ang ginagampanan ng mga
mamamahayag na magbigay impormasyon sa mga tagapakinig ng mga dapat gawin bago
ang sakuna at ang mga paghahanda dito, giit pa ni Esquera.
Nagbigay din ng paalala ang doctor lalo na
sa mga media na may obligasyon hindi lamang magbigay ng impormasyon sa mga tao
sa kailangang paghahanda kundi maging model na maaring mag reform o
magtransform sa komunidad sa maaring maging gawin kung sakaling may kalamidad
na dumating sa bayan ng Kabacan. Christine
Limos and Rhoderick Beñez
0 comments:
Mag-post ng isang Komento