(Alamada, North Cotabato/ May 16, 2014) ----Pansamantala
munang isinara sa mga turista ang pamosong Asik-asik Falls matapos na pumutok ang
outbreak na nag-iwan ng walo katao ang patay habang 601 ang naapektuhan buhat
sa tatlong mga barangay ng Alamada, North Cotabato.
Ito ang inihayag ni Melissa Bagsican,
municipal information officer na temporary munang isinara sa mga dumadayong
turista sa lugar ang asik-asik falls hanggat di pa na-ideklara ng mga health
officials na outbreak free ang lugar.
Kahapon, may inilabas ng resulta, pero
tumanggi ihayag ito sa DXVL News ng ilang mga doktor na nakapanayam.
Nabatid na ang asik-asik falls iy
pangunahing tourist destination sa lalawigan na nasa Sitio Dulao, Brgy. Dado,
isa sa mga lugar na naapektuhanng outbreak.
Batay sa pinakahuling datos ni Municipal
Administrator Ruben Cadava, 67 naman sa nasabing mga pasyente ay nakarekober na
mula sa pananakit ng tiyan, pagtatae at pagsusuka.
Kaugnay nito, tiniyak naman ng opisyal na
malinis ang tubig na iniinum ngayon ng mga residente mula sa tatlong mga
barangay na naapektuhan ng nasabing outbreak.
Ito makaraang bumuhos ang tulong mula sa
pribado at pampublikong sektor na tumugon sa panawagan ng mga lokal na
pamahalaan ng Alamada.
Malinis namang tubig na mula sa firetruck ng
Bureau of Fire ang dinadala sa brgy. Dado, Lower Dado at Pigcawaran, ayon kay
Cadava.
Una dito, sinabi ng administrador na ang mga
nabanggit na mga barangay ay hindi pa naabot ng programang SALIN-TUBIG ng
pamahalaang nasyunal maliban lamang sa Lower Dado na naging benepisyaryo sila
ng MRDP.
Samantala, tumanggi naman munang ihayag ni
Cadava ang resulta sa ginawang eksaminasyon dahil si Dra. Joy Posada lamang ang
maaring magbigay ng opisyal na pahayag sa media.
Lubos naman ang pasasalamat ng opisyal sa
maagap na pagtugon ni Cotabato Gov. Lala Mendoza ng provincial government,
kasama na ang lahat ng mga LGU’s, mga nasa hanay ng hukbong Lakas ng Pilipinas,
Pambansang Pulisya, mga pribadong sektor at iba pa sa mga ipinadalang tulong
partikular na ang malinis na tubig, gamot at tulong ng mga doktor.
Kaninang umaga ay nag sagawa ng isang pulong
balitaan kungsaan inihayag sa Media ang resulta ng lab test.
Ayon kay Dra. Rosario Bandala, municipal health officer sa
bayan ng Alamada, batay sa ginawa nilang
pagsusuri sa mga pasyente lumalabas na 438 sa mga ito ang positibo sa tinatawag
na vibrio cholerae disease kaya deniklara nilang cholera outbreak ito.
Ito ang lumabas sa ginawang rectal swab test
ng DoH sa Metro Manila kung saan sa 769 na mga biktima ang nasa 438 ang
positibo sa vibrio cholerae disease.
Ang resulta naman sa pagsusuri sa physical
at chemical content sa katawan ng mga biktima ay aabutin pa ng mahigit isang
linggo bago mailabas ng DoH.
Ang umaabot sa 769 na mga biktima na dinala
sa Municipal Health Office ng Alamada dahil umano sa problema sa inuming tubig.
Rhoderick Beñez
0 comments:
Mag-post ng isang Komento