(Alamada, North Cotabato/ May 13, 2014) ---Apat
ang naiulat na nasawi habang 69 ang kumpirmadong nasa bahay pagamutan ng
Alamada, North Cotabato sa nangyaring diarrhea outbreak sa dalawang barangay.
Ito ang sinabi sa DXVL News ni PCInps.
Joefrey Todeno, hepe ng Alamada PNP.
Una rito, mahigit sa 100 mga residente ang
nalason dahil sa umano'y kumalat na kemikal at napunta sa kanilang mga inumin
sa naturang probinsya.
Sa naunang ulat ni DXVL Devcom Intern Javie
Jame Castillo, mistulang nagkaroon ng diarrhea outbreak sa nasabing lugar dahil
dumaranas ng pagtatae, pagsusuka at pagsakit ng tiyan ang mga biktima.
Kagabi ay marami na ang isinugod sa Alamada
Community Hospital habang kungsaan mahigit na sa 60 ang dinala at patuloy pa
rin ang pagdating ng ambulance sakay ang mga pasyente.
Ang iba aniya kasi ay ngayon pa lamang
umepekto ang kemikals.
Ang halos 30 mga pasyente ay nananatili na
lamang sa barangay health center.
Ito'y liban pa sa mga nakalabas na ng
ospital na hindi pa nabilang. Rhoderick
Beñez
0 comments:
Mag-post ng isang Komento