(Matalam, North Cotabato/ May 12, 2014) ---Mas
pinaigting rin ngayon ng Matalam PNP ang kanilang kampanya hinggil sa paglaban
sa anumang kriminalidad sa bayan ng Matalam.
Ito matapos na nagsagawa ng pulong-pulongang
mga personnel ng Matalam PNP sa pamumuno ni PCI Elias Diosma Colonio bilang
bahagi ng kanilang anti-criminality plan.
Isinagawa ang nasabing aktibidad sa Purok
Krislam, Poblacion, Matalam, North Cotabato nitong Sabado ng umaga.
Ang programa ay pinangunahan ni PI Sindato
Karim, ang Deputy Chief of Police ng Matalam PNP kungsaan dumalo din dito ang lider
ng MILF na si Ustadz Alimodin Omar ng 5th Brigade Commander ng 108
Based Command, Datu Alex Ambel ng MNLF na nakabase sa Brgy. Kilada ng nasabing
bayan, mga opisyales ng Brgy. Poblacion at daan-daang mga residente nito.
Sa report ni SPO1 Froilan Gravidez ng
Matalam PNP na ang partisipasyon ng taong bayan at mga residente sa lugar ay
malaking tulong para masawata ang anumang kriminalidad sa lugar.
Hinikaya’t din nito ang mga mamamayan na
suportahan ang peace and order sa lugar upang mabuwag itong mga modus operandi
ng mga agaw motorsiklo, carnapping bukod pa sa problema sa illegal na droga sa
bayan ng Matalam. Rhoderick Beñez
0 comments:
Mag-post ng isang Komento