(Kabacan, North Cotabato/ February 6, 2014)
---Aminado si Cotabato Police Provincial Director S/Supt. Danilo Peralta na sa
kabila ng crime program nila, mataas pa rin ang kaso ng kriminalidad sa bayan
ng Kabacan.
Ginawa ng opisyal ang pahayag sa DXVL News
kahapon matapos ang ginawang Provincial Peace and Order Council Meeting sa
Provincial Capitol, Amas, Kidapawan City.
Aniya, dahil sa malapit sa Maguindanao ang
Kabacan naging spill over ito ng mataas na krimen sa nasabing lalawigan.
Kaugnay nito, inirekomenda ng Police
Provincial Director ang paglalagay ng dagdag na pwersa ng kapulisan,
pag-activate ng Barangay Peace Keeping Action Team at ang paglalagay ng mga
CAFGU sa lugar.
Ilan lamanag ito sa mga inilatag na
rekomendasyon para kung di man tuluyang matuldukan ay maibsan lamang ang mataas
na kriminaladad sa bayan.
Samantala sa kabuuan, sinabi ni Peralta na
naging maayos at mapayapa naman sa pangkalahatan ang buong lalawigan ng North
Cotabato sa huling quarter ng taong 2013.
Sa labing walong bayan kabilang na ang
lungsod ng Kidapawan, may mga ilang munisipyo ang mataas ang kriminalidad at
aminado itong di talaga ito maiiwasan.
Sinabi pa nito na nakapagtala sila ng mataas
na kaso ng crime against property sa huling buwan ng taong 2013.
Ilan lamang ito sa kanilang napag-usapan ng
PPOC kahapon, na dinaluhan ng mga chief of police ng bawat bayan at ilang mga
opisyal ng probinsiya na pinangunhan ni Cotabato Gov. Emmylou Lala Talino
Mendoza. Rhoderick Beñez
0 comments:
Mag-post ng isang Komento