(Kabacan, North Cotabato/ November 1, 2013)
---Nakalatag na ang seguridad ng Kabacan PNP para sa gugunitaang Undas 2013.
Ito ang tiniyak kahapon sa DXVL News ni
PCInsp. Jordine Maribojo, hepe ng Kabacan PNP kasabay ng ikakasa nilang Oplan
Kaluluwa dos mil trese simula bukas hanggang sa Nobyembre a-dos.
Sinabi ng opisyal na may mga augmentation na
rin ang PNP mula sa Barangay Peace Keeping Action Team na magbabantay sa
paligid ng mga sementeryo ng Kabacan kasama na rin dito ang traffic direction
at may itatayo rin silang HELP Desk o Public Assistance Desk.
Bukod dito, ipapakalat din ngayong araw ang
elemento ng pulisya sa mga matataong lugar kasama na dito ang pampublikong
pamilihan, terminal kungsaan dagsa ang mga bakasyunista na magsisiuwian simula
pa kahapon.
Kaugnay nito, wala namang malalaking
insedente ang naitala sa blotter log book ng Kabacan PNP kahapon, maliban na
lamang sa ilang mga pity crimes.
Patuloy naman ang ginagawang anti-crime and
security operation sa mga pangunahing lugar at kalye ng Kabacan.
Pinayuhan naman ng mga otoridad ang publiko
na, wag iwanan na walang tao ang bahay sa tuwing dadalaw sa mga sementeryo,
pero kung di maiwasan ay dapat na naka-kandado ng maayos ang inyung mga bahay
para di malusutan ng mga magnanakaw. Rhoderick
Beñez
0 comments:
Mag-post ng isang Komento