(Koronadal City, South Cotabato/ October 30,
2013) ---Umaabot sa 25 mga kabahayan ang apektado ng nangyaring pagbaha sa
ilang mga barangay ng Koronadal matapos ang malakas na pagbuhos ng ulan
madaling araw ng Lunes, Oktubre 28.
Ayon kay Koronadal City Mayor Peter Miguel,
may mga naitala na silang landslide sa Sitio Ladol, Brgy. Assumption kung saan
isang bahay ang natabunan.
Hanggang sa kasalukuyan ay patuloy na binabaha
ang ilang lugar sa lungsod ng Koronadal matapos na umapaw ang Bulok Creek
simula pa noong Lunes ng gabi bunsod ng ilang oras na pagbuhos ng malakas na
ulan.
Umaabot hanggang bewang ang tubig baha na
nagresulta sa pagka-stranded ng maraming
mga sasakyan.
Sinabi ni City Administrator Cyrus Urbano, na
nagtayo sila ng temporary shelter at namigay na rin ng relief goods sa mga
residenteng apektado ng pagbaha.
Maliban sa mga pagbaha, may naiulat din na
landslide sa Barangay Mambukal.
Kaugnay nito pinaalerto naman ni Urbano ang
mga residente lalo na ang mga nakatira sa gilid ng creeks at paanan ng bundok
na bantayan ang masamang panahon at agad na lumikas sakaling bumuhos ang
malakas na ulan at tumaas ang level ng tubig sa mga creeks o sapa.
Nanawagan din ang alkalde na agad ng lumikas
ang mga residente sa mga lugar na prone sa baha at landslide lalo na at may
senyales pa na muling bubuhos ang ulan.
Samantala, muli ring binaha ang bayan ng
Tantangan, South Cotabato matapos na isinailalim ito kahapon sa state of
calamity.
Umabot sa limang barangay ang apektado dahil
sa nasirang mga drainage system.
Agad namang nagpadala ng tulong ang
Provincial Disaster Risk Reduction Management Council (PDRRMC) sa mga
apektadong pamilya na nananatili ngayon sa evacuation center. Rhoderick Beñez
0 comments:
Mag-post ng isang Komento