(Koronadal City/ South Cotabato/ October 30,
2013) ---Abot sa 56 na ang nadale habang 11, 020 na ang nagkakasakit ng dengue
sa buong Rehiyon - 12 mula noong Enero 1 hanggang ngayon.
Ito ang napag-alaman mula kay DOH 12 Health
Education and Promotion Officer Jenny Ventura na mas mataas 233 porsyento ang
nasabing kaso kung ihahambing sa kagayang period noong nakaraang taon.
Batay sa datos ng DOH 12 ng Center for
Health Development ng Regional Epidemiology and Surveillance Unit nangunguna
parin ang lalawigan ng North Cotabato kung saan umakyat sa 27 porsyento ang
kabuuang kaso ng dengue na naitala; 24 porsyento naman sa 11,020 ang kaso mula
sa South Cotabato at General Santos City.
Sa bilang naman ng mga namatay, nasa 21 ang
namatay sa General Santos City mula sa 15 noong nakaraang taon.
Nasa 13 naman ang patay sa Cotabato
Province, apat sa Sarangani at walo sa South Cotabato.
Nababahala na rin ang Kagawaran ng Kalusugan
sa tumataas na bilang ng mga nadadale sa sakit ng dengue bagay namang umaapela
ang ahensiya sa Pamahalaang Lokal at publiko na tumulong sa pagpuksa ng mga
lamok na nagdadala ng dengue sa pamamagitan ng paglinis sa paligid. Rhoderick Beñez
0 comments:
Mag-post ng isang Komento