(Alamada,
North Cotabato/ September 5, 2013) ---Binabalangkas na ngayon ng Department of
Environment and Natural Resources o DENR 12 ang eco- tourism management plan
para sa Alamada Biotic and Protected Area.
Ang
nasabing hakbang ay kasunod ng kahilingan ni North Cotabato First District Rep.
Jesus Sacdalan para maponduhan ang nasabing proyekto.
Mismong
ang kongresista ang nagsagawa ng site visit sa Asik-Asik Spring Falls na dinaluhan
ng kinatawan ng ibat’ ibang ahensya ng pamahalaan.
Ayon kay Rep.
Sacdalan, mas mainam kung madadala nito agad ang plano upang maihabol sa
budgeting ng gobyern para sa susunod na taon, ayon sa report ni PPALMA News
Correspondent Roderick Rivera Bautista.
Kaugnay nito, target
naman ng DENR 12 na matapos ang nasabing eco- tourism plan bago matapos ang
buwan ng Setyembre.
Samantala, iindorso
din umano ng mga ahensyang kasapi ng Regional Eco-tourism Committee ang mga
proyekto at programa na maaring maisali sa gagawing plano ng DENR 12.
Suportado naman ng
REC 12 ang mungkahi ni Rep. Sacdalan na gawing tourism road ang kalsada patungo
sa Asik- Asik Falls.
Binigyang-diin
ni Department of Tourism o DOT 12 Regional Director Nelly Dillera na mataas ang
posibilidad na magtatagumpay umano ang pagsusulong ng eco- tourism sa bahaging
ito ng rehiyon dahil sa convergence ng iba’t- ibang ahensya ng pamahalaan.
(Rhoderick Beñez)
0 comments:
Mag-post ng isang Komento