(North Upi, Maguindanao/
September 4, 2013) --- Napaaga ang salubong ni kamatayan sa isang 34-anyos na
lalaki makaraang mapatay sa salpukan ng Van at motorsiklo sa North Upi,
Maguindanao, kahapon.
Kinilala ang nasawi na
si Roel Castro, 34, residente ng Barangay Azucena, North Upi.
Ayon sa report, patay on
the spot ang biktima makaraang tumilapon ito mula sa minamanehong motorsiklo sa
semento ilang metro ang layo mula sa pinangyarihan ng insedente.
Habang pitong mga
pasahero ng Van ang naiulat na sugatan sa nasabing insedente.
Sa inisyal na
pagsisiyasat, isang kulay berde na Toyota Hi-Ace van (WII 414) na minamaneho ni
Melvin Laude Betuldez ay nag- over speeding habang tinatahak ang kahabaan ng
North Upi road.
Sumalpok umano ang van
sa kulay itim na Honda motorcycle na minamaneho ni Castro kaya tumilapon ito sa
isang bangin.
Nawalan umano ng control
ang driver ng van kaya sumalpok ito sa motorsiklo.
Kinilala naman ang mga
sugatan na sina: Jun-Jun Durande, 20; Bai Puti Lauban Latip, 50; Faisa Guiabar,
24; Intan Dapbil, 70; Abutazil Tato, 80; at Evelyn Remasin, 29 na mabilis na
isinugod sa Datu Blah Sinsuat Hospital sa Datu Blah, Maguindanao. (Rhoderick
Beñez)
0 comments:
Mag-post ng isang Komento