(Kidapawan City/ September 5, 2013) ---Nasira ang re-closer ng isang
device o gadget para sa switch ng Feeder 22 ng Cotabato Electric Cooperative,
Inc. o Cotelco kung kaya’t nalilibre sa brownout ang bahagi ng linya kasama na
dito ang Gaisano Grand Mall, ang pinakamalaking mall sa North Cotabato.
Ayon sa report, simula pa noong
nakaraang linggo ay dumaranas na ang coverage area ng Cotabato Electric
Cooperative o Cotelco ng brownout nang mula apat hanggang anim na oras kada
araw.
Sa kabila nito, libre sa
brownout ang Gaisano Grand Mall at ang ilang bahagi ng Barangay Lanao hanggang Paco
na sakop ng 10MVA sub-station ng Cotelco sa may Barangay Paco sa Kidapawan
City.
Pero may paliwanag rito
ang Cotelco.
Ayon kay Cotelco
spokesman Vicente Baguio, sira ang re-closer na isang device o gadget para sa
switch ng Feeder 22.
Noon pa raw July sira na
ang naturang device.
At hanggang sa ngayon,
di pa raw dumarating ang in-order nila’ng gadget.
Kaya’t, ayon kay Baguio,
walang ‘special’ o ‘privilege’ treatment na ibinibigay sila sa Gaisano Grand
Mall.
Kung nalibre man ang
mall sa brownout ito ay dahil sa hindi inaasahang pagkasira ng feeder switch sa
10MVA Paco sub-station. (Rhoderick Beñez)
0 comments:
Mag-post ng isang Komento