(Amas, Kidapawan City/ September 19, 2013)
---Matapos ang matagumpay na special recruitment at jobs fair na pinangunahan
ng Provincial Government ng North Cotabato noong Agosto 20-22 kasabay ng
Kalivungan Festival ay muling magsasagawa ng kahalintulad na aktibidad ang
probinsiya.
Ayon kay Cotabato Gov. Emmylou “Lala” Talino
Mendoza ang gagawing jobs fair ngayon ay di kagaya ng dati na iisang venue
lamang, pero ngayon ito ay isasagawa sa ibat-ibang mga munisipyo ng lalawigan.
Ang nasabing aktibidad ay pinangunahan ng
Provincial Human Resource and Management Office sa pakikipagtulungan ng
kanilang partner agency na Concentrix isang callcenter sa Davao City.
Gagawin sa September 24 sa bayan ng Midsayap
na gagawin sa ACC hall, September 25 sa Kabacan na gagawin sa Municipal Hall,
September 26 sa Mlang na isasagawa sa Poblacion A Barangay Hall at September 27
sa President. Roxas sa Pres. Roxas Elementary School, ito ayon sa report ni Provincial
government MEDIA Jimmy Santacruz.
Ang nasabing hakbang ay bilang tugon ng
gobernador para mabigyan ng trabaho at opurtunidad ang maraming naghahanap ng
trabaho.
Sa mga interesadong aplikante,
mangyari lamang na magsadya sa PHRMO Office sa Provincial Capitol, Amas,
Kidapawan City o tumawag sa telepono bilang 064-278-7037. (Rhoderick Beñez)
0 comments:
Mag-post ng isang Komento