Death squad sa Kabacan, pinabulaanan ng Kabacan PNP

(Kabacan, North Cotabato/ September 18, 2013) ---Walang katotohanan ang umuugong na report na may kumakalat diumanong death squad sa bayan ng Kabacan upang lumipol sa mga kriminal.

Ito ang sinabi ni PCInsp. Jordine Maribojo, hepe ng Kabacan PNP sa isyung lumabas matapos na mabaril at mapatay ang ilan sa mga may nauna ng criminal record na mga biktima sa Kabacan kamakailan.

Ayon sa opisyal, posibleng personal grudge o onsehan sa kanilang grupo ang motibo sa ilang kaso ng pagpatay sa lungsod.

Aniya, may mga inilatag na umanong hakbang si Mayor Herlo Guzman Jr., para sugpuin ang kriminalidad sa bayan.

Sinabi ni Mayor Guzman na dapat ay masunod ang wastong pagpapatupad ng batas at hindi kinakailangang kumitil ng buhay kasabay ng kanyang panawagan na magkapit bisig para sa ikaunlad ng Kabacan at makiisa sa mga otoridad sa pagsugpo ng krimen. (Rhoderick Beñez)