(Kabacan,
North Cotabato/ August 25, 2013) ---Kung hindi maaagapan ang pagguho ng lupa
posibleng lulubog ang Poblacion ng Kabacan, limang taon simula
ngayon.
Ito ayon kay
Councilor Jonathan Tabara, ang may hawak ng committee on agriculture sa
Sanggunian batay naman sa serye ng pagsasaliksik na ginawa ng mga eksperto mula
sa Liguasan Marsh.
Dahil dito
isusulong sa Sangguniang Panlalawigan ni Tabara ang panukalang Inter LGU
Cooperation na mag-aalaga ng ating kapaligiran kasama na ang Kabacan river.
Sinabi ng
mambabatas na bukod sa Poblacion kabilang sa posibleng lulubog din ay ang brgy.
Cuyapon, Kilagasan, Lower Paatan at Magatos.
Kaya naman
itutulak nito sa Sanggunian ang polisiyang isasali ang mga kalapit na munisipyo
at maging lalawigan na nasasakupan ng Pulangi river sa kanyang nilulutong
panukala kabilang na dito ang bayan ng Matalam, Magpet at Arakan.
Sa nasabing
panukala dapat ay magtanim ng punong kahoy ang nasa itaas na bahagi ng North
Cotabato kagaya ng Arakan at Magpet na mga kahoy kagaya ng rubber na may water
holding capacity.
Ginawa ng
konsehal ang pahayag sa isinagawang regular na session ng Sanggunian kahapon
kasabay ng hiling nito sa mamamayan ng Kabacan na maging responsable sa
pagtatapon ng basura. (Rhoderick Beñez)
0 comments:
Mag-post ng isang Komento