(Kabacan,
North Cotabato/ August 19, 2013) ---Sinaniban diumano ng masamang espiritu ang
apat na mga estudyante ng University of Southern Mindanao na nangungupahan sa
isang dormitory na nasa Arcedo St., Poblacion, Kabacan, Cotabato.
Ayon sa
report, nagsimula umanong sinaniban ang apat na mga estudyante nitong Biyernes
matapos na magsagawa ng isang alay o “halad” ang mga ito.
Pangatlong
araw na rin umanong di makatulog ng maayos ang apat dahil sa pabalik-balik
umano ang masamang espiritu sa kanilang katawan dahilan kungbakit nagpupumiglas
at lumalakas ang mga ito, ayon kay Kapitan Nanay Edna Macaya.
Tinungo
kagabi ni Kapitan Macaya ang nasabing Ontok Boarding House sa nasabing lugar
kungsaan sa kanyang pakikipagtalastasan sa mga nangungupahan sa nasabing
dormitory, dito nabatid na may nakatira umanong ibang nilalang sa lumang bahay
na tinaguriang “Prinsesa”.
Ayon sa
report, nagalit umano ang nasabing Prinsesa ng ipaayos ang lumang bahay.
Dinala na
umano ang apat na mga sinaniban sa bahay pagamutan kahapon para alamin kung may
sakit ang mga ito o totoong sinapian ng masamang espiritu ang apat na mga
estudyante. (Rhoderick Beñez)
0 comments:
Mag-post ng isang Komento