Sasakyan ng dating Director ng USM SSM, sinunog

(Kabacan, North Cotabato/ June 16, 2013) ---Sinunog ng mga di pa nakilalang salarin ang likurang bahagi ng bahay ni dating Director ng USM Security Services and Management Prof. Orlando Forro pasado alas 11 kagabi.

Sa panayam ng DXVL News kay Director Forro ngayong umaga sinabi nitong natupok ng apoy ang likurang bahagi ng kanyang sasakyan na Fortuner kulay itim.

Agad namang naapula ang nasabing sunog ng tumulong ang mga kapitbahay at mga tao sa paligid ng Roxas St., Pobalcion, Kabacan.

Bago nangyari ang insedente, isa sa mga anak kasi ni director totong ang nakakita na may umaapoy sa likuran ng kanilang bahay.

Maswerte namang walang may nasaktan maliban na lamang sa malubhang danyos sa nasabing sasakyan kungsaan ang dalawang tire ng nasabing fortuner ang natupok ng apoy kasama na ang likurang bahagi at wind shield nito.

Naiwan pa umano ang isang container na gallon na naglalaman ng gasolina sa loob ng bahay ng biktima.

Sa imbestigasyon ng mga otoridad, wala pa silang nakikitang motibo sa nasabing insedente.

Sa panayam kay Director Forro, wala naman siya’ng naagrayadong tao maliban na lamang umano ng hinawakan nito ang posisyon bilang head ng USM security Force.

Ang USM ay nahaharap sa kontrobersiyal at naging National isyu makaraang ilang araw na walang pasok ang libu-libung mag-aaral nito dahil sa di pagkakasundo ng Pangulo ng unibersidad at grupo na nais patalsikin sa pwesto ang Presidente.  

Ngayong araw sinabi ni Dr. alimen Sencil na gagawin nila ang ceremonial opening sa USM main gate matapos na mamagitan sa nasabing gusot si 2^nd District Rep. Nancy Catamco nitong nakaraang araw at naibigay ang demand ng mga raliyesta na mag-LOA ang Pangulo, maglagay ng OIC at ang muling pagsisiyasat ng panigabong FFC mula sa tatlong independent body ng gobyerno.

Dahil sa mapayapang pag-uusap sa munisipyo ng Kabacan nitong Biyernes kasama ang ilang matataas na opisyal mula sa PNP at militar ay napagkasunduan mula naman sa panig ng mga raliyesta na bubuksan ang USM at tiyaking makapag-klase na ang mga estudyante bukas makabalik trabaho na rin ang mga empleyado nito. (Rhoderick Beñez)