(USM, Kabacan, North Cotabato/ January 21,
2013) ---Tiniyak ngayon ni USM Vice President for Academic Affairs Dr. Antonio
Tacardon na ligtas ang University of Southern Mindanao kasabay ng pagsasabing
huwag i-entertain ang anumang mga pananakot sa Unibersidad.
Ito ang sinabi ng opisyal kungsaan, ang
nasabing pananakot ay dala ng mga taong walang magawang magaling sa buhay.
Aniya, gusto umano ng ilang mga kalaban sa
administrasyon na guluhin ang university para walang mag-aral.
Una rito, nilinaw naman ni Supt. Leo Ajero,
hepe ng Kabacan PNP na walang katotohanan ang mga kumakalat na text messages na
galing umano sa kanila ang report na may mga itinanim na bomba sa loob ng USM.
Sa halip, sinabi nitong huwag nang ipapasa
ang mga ganyang mensahe dahil sa puro pambubulabog at paninira umano sa
kabuuang imahe ng Kabacan, ayon sa opisyal.
Sinabi pa ni Ajero na marami umano ang
sumasakay sa isyu ngayon ng USM kaya sa panig naman ng pulisya at militar, sila
ay patuloy na nakabantay at vigilante sa paligid.
Sa kasalukuyan, hati ang mga estudyante sa
usapin ng USM, ito dahil sa ang ilan ay sumali sa nagpapatuloy na kilos
protesta sa loob ng administration building habang ang iba naman at nasa prayer
convocation na isinasagawa sa USM gymnasium.
0 comments:
Mag-post ng isang Komento