(Kabacan, North Cotabato/ January 21, 2013) ---Nagpapatuloy
pa rin ang ginagawang registration at renewal ng business permit sa munisipyo
ng Kabacan, kasabay ng ipinapatupad nilang Business One-Stop Shop o BOSS para
mapadali ang proseso at transaksiyon.
Ayon kay administrative officer Cecilia Facurib, ang
renewal ng business permit at registration ay nagsimula nito pang Enero a-dos.
Sinabi nito na ang BOSS ay isang National Government
program na ipinapatupad ng Department of Interior and Local Government sa bawat
munisipyo ng bansa upang maiwasan ang delay sa mga transaksyon ng business
applicants.
Dagdag pa rito, napansin nila na umaabot lamang sa higit
2 oras ang pagproseso ng mga dokumento ng mga negosyante sa nasabing programa
kumpara sa ilang linggong pagproseso noon.
Samantala, ipinapaalam naman ng mga kinauukulan na
magtatagal lamang ito ngayong ika-31 ng Enero.
Para sa mga bagong negosyo, kinakailangan talaga ang mga
kumpletong dokumento.
Para naman sa mga mag-rerenew ng mga business permits,
dalhin lamang ang inyong dati o expired business permits.
Para sa mga gusto pang humabol sa Business One-Stop
Shop, maari na kayong sumangguni sa Tanggapan ng Alkalde at dalhin ang mga
kinakailangang dokumento para sa pag-renew at pagkuha ng inyong business
permits. (Debby Piñero, DXVL News!)
0 comments:
Mag-post ng isang Komento