(Matalam, North Cotabato/ January 25, 2013)
---Naglikha ng tensiyon sa mga pasahero ng isang Weena Bus ang inabandonang bag
na pinaniniwalaang naglalaman ng Improvised Explosive Device.
Sa panayam ng DXVL News kay SPO1 Foilan
Gravidez ng Matalam PNP negatibo sa lamang bomba ang nasabing bag na naiwanan
ng isang pasahero na naglalaman ng gamit sa bangko na isang unit component type
custom rectifier alfa power supply device na nakabalot sa cellphone at
packaging tape.
Tinatahak umano ng nasabing bus na may Body
number L-VII (58) at may plate number 498 ang kahabaan ng National Highway ng
Matalam at pagdating sa Brgy. Patadon, Matalam ay pinababa ang mga pasahero.
Agad na ipinatawag ang Ordnance Explosive
Division o EOD team ng 7th IB ilang metro lamang ang layo mula sa
hinituan ng bus.
Bagama’t negatibo sa bomba at naglalaman
lamang umano ng soundbox ang nasabing bag, nagpapasalamat naman ang mga alagad
ng batas sa pagiging vigilante ng publiko hinggil sa mga hinihinalang bagay o
bagay tao, ito para maiwasan ang mga karahasan sa lugar. (Rhoderick Beñez)
0 comments:
Mag-post ng isang Komento