(Midsayap, North Cotabato/ November 20,
2012) ---Arestado sa isinagawang raid ng Midsayap PNP ang tatlo katao dahil sa
paglabag nito sa RA 9165 o Dangerous Drugs Act of 2002 sa bayan ng Midsayap.
Nanguna sa nasabing search raid sina Supt.
Joseph Semillano, hepe ng Midsayap PNP at PSI Henry Narciso, intelligence
Operative at natiklo ang mga suspek na sina Nanimbong Panayaman alias Ilang Panayaman,
30, binata residente ng Sitio Dampa, Poblacion 7, Midsayap, North Cotabato.
Habang kinilala naman ang isa pang kasama
nito na si Noraipa Abidin Guiamalon, 33-anyos at Norhata Kato Sandalan, 17,
walang asawa at kapwa residente ng nabanggit na lugar.
Ang Search warrant on illegal drugs ay
ipinalabas ni Hon. Judge George Jabido, RTC Judge Branch 18, Midsyap na may search
warrant no. 12-006.
Nakuha mula sa posisyon ng mga suspek ang 14
na sachet ng shabu na mahigit kumulang sa 0.03 grams ang kada isa, ilang mga
aluminum foil, isang gunting at cash na nagkakahalaga ng P4,580.00.
Sa ngayon inihahanda na ng Midsyap PNP ang
kasong paglabag sa RA 9165 o Comprehensive Dangerous Drugs Act of 2002 laban sa mga suspek. (Rhoderick Beñez)
0 comments:
Mag-post ng isang Komento