(USM, Kabacan, North Cotabato/ November 20,
2012) ---Sinabi ngayong umaga ni USM Vice President for Academic Affairs Dr.
Antonio Tacardon na abot sa 988 na mga mag-aaral ng University of Southern
Mindanao ang hindi pa nakapag-final screening para sa kanilang enrollment sa
unibersidad.
Ibig sabihin nito, hindi pa officially
enrolled ang natukoy na bilang ng mga estudyante o hanggang assessment lamang
ang kanilang naiproseso.
Sa kabila nito, sinabi naman ng opisyal na
maari lamang tumungo sa opisina ng VPAA ang mga estudyanteng hindi
makapag-enroll dahil sa kakulangan ng pera para mabigyan sila ng waiver.
Maari rin umanong magbayad ang mga ito ng
kanilang tuition fee na kalahati, basta ang importante ay makapag-enroll ang
mga ito hanggan sa araw ng Biyernes November 23.
Samantala, napag-alaman ngayong hapon mula
kay USM University Registrar Lucia Cabangbang na may 10,530 na mga officially
enrolled ang USM Main campus sa kasalukuyan.
Bumaba na rin as of 3PM ngayong hapon sa 290
na mga estudyante ang hindi pa officially enrolled mula sa mahigit sa 988
kaninang umaga, ayon pa kay Ma’am Cabangbang. (Rhoderick Beñez)
0 comments:
Mag-post ng isang Komento