(Libungan,
North Cotabato/May 28, 2012) ---Isinagawa kamakailan ang konsultasyon kaugnay
ng lumalaking damage o pinsalang idinulot ng Libungan River sa likurang bahagi
ng isang pampublikong paaralan sa bayan ng Libungan.
Bilang
kinatawan ni North Cotabato First District Cong. Jesus Sacdalan, hinikayat ni
Joselito “Joel” Sacdalan ang mga residente at iba pang stakeholders ng
Barangay, Nicaan sa Libungan na makipagtulungan sa pamahaalaan upang
masolusyunan na ang problemang kinakaharap ng Nicaan High School, ito ayon sa
report ni PPALMA News Correspondent Roderick Bautista.
Dagdag
ni Sacdalan, sa pamamagitan umano ng public- private partnership ay
magtutulungan ang gobyerno at pribadong sektor na tukuyin at ipatupad ang
immediate interventions kaugnay sa problemang ito.
Ayon
kay Principal Gregoria Dacoroon, nababahala sila na baka sa mga darating na
panahon ay maanod ang kanilang buong paaralan sanhi ng rumaragasang tubig mula
sa Libungan River.
Matagal
na rin umanong hinihiling ng parents and teachers community association ng
paaralan sa iba’t ibang government line agencies na tutukan ang rechanneling at
desilting ng Libungan River sa bahaging ito ng bayan.
Tugon
naman ng Community Environment and Natural Resources Office o CENRO, magmumula
sa kanilang opisina ang mga binhi ng kawayang itatanim sa gilid ng ilog.
Binigyang
diin ni CENRO Jerry Dalauta na mainam itanim ang kawayan sa mga river banks
upang maging proteksyon kontra soil erosion.
Isusumite
naman ng tanggapan ni Cong. Sacdalan sa DPWH o Department of Public Works and
Highways ang resulta ng ginawang konsultasyon. Ihahanda ng DPWH ang plano at
disenyo ng akmang infrastructure project para maprotektahan ang nasabing public
high school.
0 comments:
Mag-post ng isang Komento