(Makilala, North
Cotabato/May 31, 2012) ---Kung ang Kidapawan City LGU mangungutang ng P75
million sa banko para ibili ng heavy equipment, ang Makilala LGU nakatakdang
bumili ng bagong bulldozer na tinaya sa mahigit P20 million.
Ang plano’ng ito ng Makilala LGU ay
aprubado na sa Sangguniang Bayan ng Makilala.
Katunayan, kakapasa lamang nila ng
resolusyon noong May 25 na nagbibigay ng kapangyarihan kay Makilala Mayor Rudy
Caoagdan na magbukas ng ‘Letter of Credit’ sa Land Bank of the Philippines para
sa plano’ng ito.
Base sa resolusyon, ang bulldozer na
may model SD22 ay a-angkatin ng Makilala LGU mula sa ibang bansa, partikular sa
Empire Company Limited, Inc.
Ayon sa Sangguniang Bayan ng Makilala,
magagamit ang bulldozer sa pagsasaayos ng mga sira’ng kalsada, lalo na sa mga
bulubunduking lugar.
Ang supplier ng naturang bulldozer sa
Pilipinas at ang nanalong bidder sa proyekto, base sa resolusyon, ay ang TKC
Heavy Industries Corporation na nakabase sa kalakhang Maynila. (Malu Manar)
0 comments:
Mag-post ng isang Komento