(Kidapawan city/May 28, 2012) ---Patay
on the spot ang 42-taong gulang na si Ricardo Cabilos nang barilin ng mga ‘di
kilalang suspect sa may Barangay Binoligan, Kidapawan City, alas-10 ng gabi,
noong Sabado.
Sugatan naman ang misis niya at ang
kanilang menor-de-edad na anak na ‘di kinilala sa report.
Ayon sa mga testigo, naglalakad pauwi
ng bahay nila sa Barangay Binoligan ang mag-anak pagkatapos manood ng palabas
sa TV sa kanilang kapitbahay nang tambangan at paputukan ng mga ‘di kilalang
lalaki.
Nakatakbo pa ang mga biktima pero
nahabol pa rin sila.
Tinadtad ng bala ang lalaki na
ikinasawi nito, habang tinamaan ng mga ligaw na ang mag-ina nito na isinugod sa
isang ospital sa Kidapawan City para lapatan ng lunas.
Ayon sa kapitbahay ng mga biktima,
wala raw nakalaban ang mga biktima kaya’t isang malaking palaisipan sa kanila
kung bakit kailangang patahimikin ang isa sa mga miyembro ng naturang pamilya.
Patuloy pa ang imbestigasyon ng PNP
sa kaso. (MCM/TIMRA)
0 comments:
Mag-post ng isang Komento