(Kabacan, North Cotabato/May 31, 2012) ---Nagpaalala
ngayon ang pamunuan ng Municipal Environment and Natural Resources Office o
MENRO sa publiko na wag ilabas ang mga basura kapag hindi schedule ng
paghahakot sa inyung lugar.
Ginawa ni MENRO Officer Jerry Laoagan ang
pahayag matapos na ilan sa mga kalye sa Poblacion ng Kabacan ay nakikita nitong
may mga kumakalat na basura.
Tinukoy pa nito ang bahagi ng sunset drive,
na diumano’y kinakalkal ng mga aso ang basura dahil sa inilalabas ng ilang mga
residente ang kanilang basura sa kalsada kahit di pa araw ng paghahakot.
Sa ngayon, sakop na ng MENRO ang lahat ng
dating kinukuha ng brgy. Poblacion, ito dahil hanggang sa ngayon ay di pa
naayos ang brgy. garbage compactor.
Kaya paalala ni Laoagan sa mga residente na
maliliit ang daanan na di mapasok ng garbage compactor ng munisipyo na ilabas
sa mga designated na lugar ang mga basura.
Narito ang schedule: Para sa Sinamar 1,
ilabas ang inyung basura sa araw ng Miyerkules sa Corner Sunrise at Sinamar;
Guiang St. ilabas ang basura tuwing araw ng Huwebes sa USM Avenue; Rio Grande,
tuwing araw ng Martes ilabas sa likod ng Kabacan Pilot Elementary School, Purok
Miracle hahakutin ang inyung mga basura dyan tuwing Huwebes ilabas sa Crossing
Miracle at sunset; Purok Kapayapaan, Lapu-lapu St., at Chrislam tuwing araw ng
Huwebes at USM Avenue tuwing araw din ng Huwebes.
Nabatid mula kay MENRO Officer Jerry Laoagan
na abot sa 10-15 toneladang basura ang nakokolekta ng MENRO araw-araw sa
Pobalacion ng Kabacan. (Rhoderick Beñez)
0 comments:
Mag-post ng isang Komento