(Arakan, North cotabato/ December 1, 2015)
---Patay na ng matagpuan ang dalawang mga batang babae matapos na malunod sa
Tinanan River, Sitio Valencia, Sto. Niño, Arakan, North Cotabato alas 10:45
kahapon ng umaga.
Ayon kay PCI Bernard Tayong, tagapagsalita
ng CPPO napag-alaman na masayang naliligo at naglalaro ang dalawang bata sa
nasabing ilog ng mapadako sa malalim na bahagi nito dahilan para malunod ang
dalawa.
Hindi muna isinapubliko ng mga pulisya ang
pagkakakilanlan ng dalawa.
Ayon sa report ang dalawang mga elementary
pupils ay mag-aaral ng Meocan Elementary School at residente ng Upper Meocan ng
nabanggit na bayan.
Ang 13-anyos na bata ay namatay matapos na
malunod mismo sa malalimna bahagi ng ilog habang ang 14-anyos na bata ay nakita
na lamang na palutang-lutang ang bangkay nito malapit sa tulay ng Sitio
Valencia, Brgy. Meocan, Arakan, North Cotabato.
Kaya paalala ng mga otoridad sa mga magulang
na wag hayaan ang inyung mga anak na maligo o maglaro sa ilog na hindi
binabantayan.
Patuloy naman ang ginagawang imbestigasyon
sa nasabing insidente. Rhoderick Beñez
0 comments:
Mag-post ng isang Komento