(Matalam, North Cotabato/ December 1, 2015) ---Patay ang isang 20-anyos na drayber
makaraang masangkot sa vehicular accident sa National Highway ng Matalam at
Kabacan road, partikular sa harap ng Pascual Store na nasa Purok 3, Brgy.
Kilada, Matalam, North Cotabato alas 9:40 kahapon ng umaga.
Kinilala ni PSI Sunny Leoncito ang biktima
na si MJ Salingka Pagayao, binate, out of School youth at residente ng Purok
Laguinding, Brgy. Aringay, Kabacan, Cotabato.
Batay sa ulat, nakasalubong ng biktima ang
isang Foton Dropside Truck (UYI 242) na minamaneho ni Ronald Gonzales Collanay,
33-anyos, residente ng Purok Pagkakaisa, Brgy. Pisan, Kabacan, Cotabato na
papuntang bayan ng Matalam.
Ang nasabing truck ay may lulang 95 sako ng
bigas.
Nagka-engkwentro ang truck at ang minamaneho
ng biktima n XRM motorsiklo.
Dahil sa lakas ng impact, patay on the spot
ang biktimang si Pagayao.
Agad namang sumuko sa himpilan ng pulisya
ang drayber ng truck na ngayon ay patuloy namang iniimbestigahan ng Matalam
PNP. Rhoderick Beñez
0 comments:
Mag-post ng isang Komento