(Matalam,
North Cotabato/ December 3, 2015) ---Arestado ang isang 35-anyos na lalaki na
sangkot sa pagtutulak ng illegal droga makaraang halughugin ng mga kapulisan
ang bahay nito sa inilatag na drug raid sa Purok Krislam, Poblacion, Matalam,
North Cotabato alas 11:20 kahapon ng umaga.
Kinilala
ni PCI Sunny Rubas Leoncito, hepe ng Matalam PNP ang suspek na si Lance
Mangacop Mamalangkay ‘alias’ stanless, 35-anyos, may asawa at residente ng
nasabing lugar.
Nahuli
ang suspek batay sa search warrant na inisyu ni Hon. Judge Laureano Alzate,
Presiding Judge ng Regional Trial Court Branch 22, Kabacan, Cotabato.
Narekober
sa loob ng bahay ng suspek ang ilang mga drug paraphernalias kagaya ng mga
residue ng plastic heat sealed sachets, mga lighters, improvised tooter at
shabu na tumitimbang ng 5.0 grams na may market value na P45,000.00. ayon sa
pagtaya ng mga kapulisan.
Samantala,
isang kalibre .45 na pistola, pitong mga bala at isang magazine ang narekober
ng mga kapulisan sa kasagsagan ng drug raid sa bahay ni Mamalangkay ilang metro
lamang ang layo mula sa bahay nito.
Ayon
sa report, posibleng iniwan ng mga suspek ang nasabing baril ng mag sagawa ng
drug raid ang Matalam PNP at ng pinagsanib na pwersa ng Cotabato Provincial
Public Safety Force sa pamumuno ni P/Supt. Jerson Birrey.
Sinabi
ni SPO2 Froilan Gravidez, head ng Operation ng Matalam PNP na inihahanda na
nila ang kasong kakaharapin ng suspek na paglabag sa RA 9165 o Comprehensive
Dangerous Drugs Act of 2002. Rhoderick
Beñez, Jayson Remo & Therese Xyra Tito
0 comments:
Mag-post ng isang Komento