(Makilala,
North Cotabato/ December 2, 2015) ---Patuloy ngayon ang ginagawang
imbestigasyon ng Makilala PNP hinggil sa nangyaring pagbaril at pagpatay sa
isang cafgu member sa Sitio Lower Luayon, brgy. Luayon, Makilala North Cotabato
noong nakaraang linggo.
Sa
panayam ng DXVL News kay Captain Danny Boy Tapang tagapagsalita ng 39th
IB, PA knilala ang biktima na si LITO BAYAWANON, nasa hustong gulang at
residente ng Magpet, North Cotabato.
Ayon
sa report nagsasagawa ng visitation sa lugar ang grupo ng mga cafgu at sundalo
sa lugar nang barilin ito ng pinaniniwalaang mga miembro ng New People's Army o
NPA sa ilalim ng Guerilla Front 72.
Nagtamo
ng tama ng bala ang biktima sa kanyang kili-kili na tumagos naman sa kanyang
dibdib na nagresulta sa kanyang agarang kamatayan.
Nabatid
na naka posisyon na ang umano mga NPA 50 metro sa lokasyon ng mga CAFGU.
Patuloy
ngayong nagsasagawa ng hot pursuit operation ang PNP kasama na ang militar.
Kaugnay
nito, sinabi ni Tapang na wag ng suportahan ang mga makakaliwang grupo upang
tuluyan ng maihinto ang insurhensiya sa lugar. Rhoderick Beñez
0 comments:
Mag-post ng isang Komento