(Kabacan, North Cotabato/ November 10, 2015)
---Nahaharap ngayon sa kasong paglabag sa RA 10591 o illegal possession of
firearms ang isang 37-anyos na lalaki matapos mahulihan ng di lisensiyadong
baril sa Poblacion, Kabacan, North Cotabato.
Ang suspek ay kinilala ni Police Senior Ins.
Ronnie Cordero hepe ng Kabacan City PNP na si Aljie Panangulon Maidu,
may-asawa, na taga Sitio Malabuaya, Brgy. Kayaga, Kabacan.
Nahuli ang suspek habang nakatayo sa isang
establishemento sa Rizal Avenue kungsaan nakitaan ito ng baril na salukbit
nito.
Narekober mula sa kanya ang isang unit ng
kalibre .45 na baril, isang magazine at pitong mga bala.
Dahil walang maipakitang dokumento ang
suspek agad itong pinosasan ng mga otoridad at agad na ikinulong sa Kabacan PNP
lock up Cell.
Ang pagkakaaresto kay Maidu ay bahagi naman
ng mas pinagting na kampanya ng PNP laban sa pagdadala ng baril sa nabanggit na
bayan. Zhaira Sinolinding
0 comments:
Mag-post ng isang Komento