(Kabacan, North Cotabato/ November 12, 2015) ---Sugatan ang isang 4-anyos na bata makaraang
matamaan ng pagsabog ng granada na inihagis sa harap ng Rock Oil station
malapit lamang sa bagong inilagay na PNP COMPAC na nasa Brgy. Kayaga, Kabacan,
Cotabato alas 7:00 kagabi.
Nasa maayos namang kondisyon ngayon ang
biktima na menor de edad, ayon kay PSI Ronnie Cordero, hepe ng Kabacan PNP.
Batay sa ulat sakay ang biktima sa isang
multicab na binabaybay ang National Highway ng mangyari ang insidente.
Nagsasagawa pa ng post blast investigation
ang CPPO EOD, PNP SOCO, AFP EODT kasama ang
Alert Team na rumesponde sa lugar.
Mabilis namang tumakas ang mga suspek sa di
malamang direksiyon.
Patuloy pa ngayong tinutugis ng mga otoridad
ang mga responsable sa krimen at upang ma-establish ang motibo sa nasabing krimen.
Rhoderick Beñez
0 comments:
Mag-post ng isang Komento