(Kabacan, North Cotabato/ October 29, 2015) ---Tukoy na
ng Kabacan PNP ang mga responsable sa pagkamatay ng isang 26-anyos na
estudyante ng St. Luke’s Institute Kabacan dahil sa hazing.
Bagama’t may mga pangalan na hindi muna ibinunyag ni PSI
Ronnie Cordero, hepe ng Kabacan PNP ang pagkakakilanlan ng mga suspek.
Ito para hindi madeskaril ang ginagawa nilang
imbestigasyon.
Sinabi ng opisyal na ipinaubaya na sila sa Matalam PNP
ang pagsasampa ng kaso kungsaan inindorso na ng Kabacan PNP ang imbestigasyon
sa kanila dahil sa bayan ng Matalam naganap ang insidente.
Matatandaan na naiulat na namatay si Bobong Bualan noong
October 17 ng hapon matapos sumailalim sa hazing ng initiation ng fraternity na
Tau Gamma Phi sa isang bahay sa Matalam, North Cotabato.
Ayon sa report, nagtamo ng maraming pasa at sugat ang
biktima sa iba’t-ibang bahagi ng katawan buhat sa pagpalo sa kanya ng mga kabaro
mula sa Tau Gamma Phi na nakabase naman sa University of Southern Mindanao
Chapter.
Una ng sinabi ni USM Vice President for Academic Affairs
Dr. Palasig Ampang na hindi pinapayagan ng USM ang hazing dahil may umiiral na
batas.
Sa panig naman ni OSA Director Dr. Nicolas Turnos walang
permit ang ginawang initiation ng Tau Gamma Phi at maging ang kanialng adviser
ay hindi alam ang nasabing initiation.
Umaasa naman ang pamilya ni Bualan na mapapanagot ang
responsable sa nasabing krimen. Rhoderick
Beñez
0 comments:
Mag-post ng isang Komento