 |
| Kabacan BHWs |
(Kabacan, North Cotabato/ October 30, 2015)
---Isinusulong ngayon sa Sangguniang bayan ng Kabacan na dagdagan ang
kakarampot na honorarium ng mga Barangay Health Workers o BHW sa bayan.
Ito ang sinabi sa DXVL News ni BHW
Federation President Felicitas Dulay kasabay ng isinagawang Barangay Health
Workers Day Celebration sa Kabacan Municipal Gym kahapon.
Aniya suportado ni Councilor Ayesha Quilban
Flores, committee on health ang panukala ng local health board na magbibigay ng
subsidiya ang LGU sa honorarium ng mga BHW.
Nabatid mula kay Dulay na kakarampot lamang
ang honorarium ng BHW sa Kabacan.
Ibinunyag pa ng opisyal na may mga barangay na nasa P250 lang ang
kanilang honorarium kada buwan at ang pinakamataas na ay P1,100.00
 |
| Theopila Ordoña ng Brgy. Aringay |
Dumalo din sa nasabing aktibidad si Kabacan
Mayor Herlo Guzman Jr. kungsaan suportado nito ang panukala ng Sangguniang
Bayan na taasan ang honorarium ng mga BHW sa Kabacan.
Sa kanyang mensahe iginiit naman ni Moro
People’s Core Director Zaynab Ampatuan na dapat maproteksyunan ang kapakanan ng
mga BHW.
Ginawa ni Ampatuan ang pahayag matapos ang
mga balitang pagtanggal sa ilang mga BHW na walang dahilan.
Samantala, isang taga Barangay Aringay ang
kinilalang pinakamtandang BHW na si Theopila Ordoña na sa kanyang edad na 84 ay
patuloy pa rin ang kanyang pagserbisyu sa Aringay bilang BHW.
Noon pang 1982 ito simulang pumasok sa BHW
hanggang ngayon.
Tema ng aktibidad ay ang ‘Pagtitipon at
Pagkakaisa Para sa Iisang Layunin Malusog na Cotabato’. Rhoderick Beñez
0 comments:
Mag-post ng isang Komento