(Kabacan, North Cotabato/ September 11, 2015)
---Kulungan ang bagsak ng tatlo katao, isa dito ay pinaniniwalaang hired killer
habang ang dalawa ay mga notoryos na kriminal sa inilatag na check point sa
Brgy. Poblacion, Kabacan, North Cotabato alas 10:45 kagabi.
Nanguna sa pagresponde si Kabacan Mayor
Herlo Guzman Jr., kasama ang hepe ng Kabacan PNP na si PSI Ronnie Cordero
kungsaan nahuli ang mga suspek na kinilalang sina Badjuri Dimanalaw Pigkawalan,
25-anyos residente ng Purok Krislam; Mahajar Dadilan alon, 32-anyos ng Brgy.
Kayaga at Totin Abas Kalantongan ng brgy. Kayaga lahat sa bayan ng Kabacan.
Nakuha mula sa mga suspek ang 1 granada
(hand grenade), 1 kalibre 38 na revolver at dalawang sachet ng shabu.
Lulan ang mga suspek ng sinasakyang tricycle
na may body number 0554, kungsaan naka-impound naman ang kanilang sasakyan sa
Kabacan MPS.
Ang tatlo ay itinuturong responsable sa mga
nagdaang shooting incident at carnapping sa bayan.
Si Alon ay dati na ring naaresto ng mga
pulisya sa panahon ng dating Chief of Police na si Supt. Jordine Maribojo dahil
sa iba’t-ibang mga krimen na kinasasangkutan nito.
Ang tatlong mga notoryos na criminal ay
sangkot sa mga pamamaril, illegal na droga, carnapping at Gun-for-hire na may
aktibidad sa bayan ng Kabacan, ayon sa pulisya.
Napag-alaman na isa sa mga suspek ay
itinuturong responsible din sa pagpatay sa dating miyembro ng Kabacan PNP.
Sa ngayon, inihahanda na ng Kabacan PNP ang
patong-patong na kasong isasampa laban sa mga ito. Rhoderick Beñez
0 comments:
Mag-post ng isang Komento