(North Cotabato/ September 11, 2015) ---Patay
ang isang 32 anyos na lalaki habang sugatan naman ang kasama nito matapos na
pagbabarilin ng di pa kilalang mga suspek sa Mantawil St. Brgy. Poblacion, Kabacan,
Cotabato dakung alas 11:00 kamakalawa ng gabi.
Kinilala ng Kabacan PNP ang namatay na si
Lloyd Pascual, may asawa, walang
trabaho, residente ng Lambayong Sultan Kudarat, ang kasama nito na kinilalang
si Marshall Vallez, 38 anyos, isang magsasaka at residente ng USM Avenue dito
sa bayan.
Sa inisyal na imbestigasyon ng Kabacan PNP,
tinatahak ng mga biktima ang nasabing kalye sakay sa isang Honda XRM na
motorsiklo, kulay asul, may plakang MA 92926.
Bigla na lamang sumulpot ang mga suspek
sakay sa di pa matukoy na uri ng motorsiklo at pinag babaril ang mga biktima ng
maraming beses.
Tama sa ibat-ibang bahagi ng katawan ang
dahilan ng agarang kamatayan ni Pascual habang maswerte namang nakaligtas sa
nasabing pamamaril Vallez kungsaan nanlaban pa ito sa mga suspek.
Nagtamo rin ng tama ng bala si Vallez pero
nagawa pa nitong makatago sa kanal.
Dahil madilim ang lugar, hindi na siya
nakita ng mga suspek na mabilis namang tumakas tangay ang kanilang minamanehong
motorsiklo.
Tumakas ang mga ito sa direksiyon papuntang
Sitio Lote, Brgy. Kayaga.
Agad namang nagkasa ng hot pursuit operation
ang PNP, BPAT at JMAGS pero bigo silang mahuli ang suspek pero sa kabila nito,
tatlo namang mga notoryos na kriminal ang kanilang nahuli kagabi kungsaan isa ditto
ay sinasabing serial killer. Mark
Anthony Pispis/ Rhoderick Beñez
0 comments:
Mag-post ng isang Komento