(Maguindanao/ July 11, 2015) ---Nasawi ang
isang barangay chairman at isang sundalo habang sugatan ang isa pang Army
captain matapos na pasabugan ng granada at paulanan ng bala ang sinasakyan ng
mga ito habang binabaybay ang national highway ng Brgy. Sambulawan, Datu
Salibo, Maguindanao kahapon ng umaga.
Sa panayam ng DXVL News kay Captain Jo-an
Petinglay, Spokesperson ng Army’s 6th Infantry Division (ID) bandang alas-11:35
ng umaga kahapon habang lulan ang mga biktima ng isang kulay asul na tainted na
Toyota Revo patungong bayan ng Datu Saudi galing Datu Piang nang hagisan ng
granada ang kanilang daraanan ng BIFF rebels at pinaputukan.
Kinilala ang mga nasawi ay sina Sajid Iman
Bicul, chairman ng Brgy. Masigay, Datu Piang ng lalawigan at isang Sgt. Tamma.
Ginagamot na sa opsital ang isa pang sundalo
na tinukoy sa apelyidong Captain Melendrez, Commanding Officer ng Army’s 22nd
Mechanized Company ng 2nd Mechanized Battalion ng 1st Mechanized Brigade ng
Philippine Army (PA).
Agad namang rumesponde ang tropa 21st
Mechanized Company ng PA sa pamumuno ng isang Lt. Manquiquis sa lugar at sinaklolohan ang mga biktima.
Malaki ang paniniwala ni Petinglay na rido o
clan war ang motibo sa pananambang kung saan target ang nasabing brgy.
chairman at nadamay lamang ang mga sundalo.
Batay sa ulat ang grupo BIFF Isnag Hassan
Indal at Abunawas Sawal, pawang mga division commander sa ilalim ni BIFM acting
chairman Esmael Abubakar alyas Balungos at BIFF chief of staff Mohidin Animbang
alyas Kagui Karialan ang tinukoy na responsable sa naturang insidente. Rhoderick Beñez
0 comments:
Mag-post ng isang Komento