(Kabacan, North Cotabato/ July 8, 2015) ---Nagbigay
ngayon ng paalala ang Kabacan PNP sa mga mamamayan sa bayan na doblehin ang
kanilang pagbabantay sa kanilang sasakyan matapos na maitala ang panibagong
nakaw motorsiklo sa bayan.
Ayon kay PSI Ronnie Cordero ang OIC Chief ng
Kabacan PNP, naganap ang insidente sa Brgy. Katidtuan nitong weekend araw ng
sabado.
Lumalabas sa inisyal na imbestigasyon, na
alas 4:00 ng madaling araw ng matuklasan ng mag live-in partner na kinilalang
sina Ella Hayag Mangay-ayam, 38 anyos at isang Severino Tanallon, 47 anyos,
isang Security Guard na pawang mga residente ng nasabing lugar na nawawala na
ang kanilang Honda XRM 125 na motorsiklo, kulay pula, may plakang 8215 LE na
pagmamay-ari ni Severino.
Nakaparada lamang umano sa loob ng kanilang
bahay ang motorsiklo at kinadena pa umano nila ito.
Pinutol umano ng mga di pa nakikilalang mga
suspek ang kadena na nakatali sa motorsiklo at pinutol rin ang kandadong ng
kanilang steel gate.
Sa ngayon ay patuloy pang iniembistigahan ng
Kabacan PNP ang nasabing insidente. Mark
Anthony Pispis
0 comments:
Mag-post ng isang Komento