(Kabacan, North Cotabato/ September 9, 2014)
---Hanggang ngayon ay hindi pa rin nakapag-sumite ang Sangguniang Bayan ng
Kabacan ng kanilang ginawang imbestigasyon kaugnay sa pagkamatay ni DXVL
Newscaster Irah Palencia Gelacio.
Sa panayam kay Kabacan Mayor Herlo Guzman
Jr., ng DXVL News hinihintay pa nito ang resulta ng meeting of the Whole ng SB
kaugnay sa pag-imbestiga in aide of Legislation upang alamin ang dahilan ng
pagkamatay ni Irah.
Pero hanggang ngayon, wala pang naipasa ang
konseho ng Kabacan sa Mayor’s Office kung anu na ang resulta ng kanilang
imbestigasyon bagay namang di makapagbigay ngayon ng status ng kaso si Mayor
Guzman sa Pamilya Gelacio.
Dismayado na rin ang Pamilya Gelacio sa
mabagal na tugon ng SB kasama na dito ng Pamahalaang Lokal ng Kabacan sa kabila
ng may naipaabot na pormal na sulat reklamo ang pamilya Gelacio sa mismong
tanggapan ni Kabacan Mayor Herlo Guzman Jr., kungsaan mismong si Municipal
Administrator Ben Guzman ang tumanggap nito.
Eksaktong 73 araw na ngayon ng pumanaw si
Irah.
Nabatid na si Irah ay binawian ng buhay
noong June 29 alas 12:30 ng madaling araw sa San Pedro Hospital matapos na di
na nito kinaya pa ang komplikasyong kanyang dinaramdam makaraang manganak sa
Lying In ng RHU Kabacan at naubusan ng dugo. Rhoderick Beñez
0 comments:
Mag-post ng isang Komento