(Kabacan, North Cotabato/ September 12, 2014)
---Tuluyan ng ibinasura ng Sangguniang Bayan ang apela ng Kabacan Unity Lines
Tricycle and Operators Drivers Association (KULTODA) na gawing flat rate ang
pamasahe ng mga estudyante, may mga kapansanan at Senior Citizen.
Ayon kay KULTODA President Jeffrey
Pedtamanan na dahil sa humihina na ang serkulasyon ng bente singko at dyes
sentabos kaya nagdudulot ito ng kahirapan sa pagsukli sa kanilang mga pasahero
at magdudulot pa umano ng di pagkakaunawaan ng mga pasahero at draybers.
Pero paliwanag naman sa DXVL News ni Councilor Reyman
Saldivar miyembro ng Committee on Transportation na hindi ito pwedeng gawin ng
mga draybers dahil nakasaad sa batas na dapat ipatupad ang 20% discount sa mga
estudyante, may mga kapansanan at mga senior citizen.
Kaya kung maaprubahan ang taas singil sa
pamasahe na P8.00 sa bayan ng Kabacan, P6.40 lamang ang maaring singilin ng mga
ito batay sa nakasaad sa batas, ayon pa kay Saldivar.
Samantala, ayon sa opisyal aprubado na sa
ikalawang pagbasa ang dagdag singil na P1.00 at posibleng isasalang na sa
ikatlo at huling pagbasa ang nasabing panukala sa susunod na regular na session
ng Sangguniang Bayan.
Panawagan naman ni Saldivar sa mga tricycle
draybers at operators na sundin kung anuman ang nakasaad sa ordinansa. Rhoderick Beñez
0 comments:
Mag-post ng isang Komento