By: Mark Anthony
Pispis
(Kabacan, Cotabato/ September 9, 2014) ---Tatlo katao ang
naiulat na namatay makaraang tamaan ng sakit na tigdas sa dalawang magkahiwalay
na Sitios ng Brgy. Pisan, Kabacan.
Ito ang kinumpirma sa DXVL News ni Brgy. Pisan Secretary
Corazon Antonio.
Kinilala ang mga biktima na sina Angel Heart Adim, Precious
Miles Adim, magkapatid na nakatira sa Purok Cueva at isang di pa kilalang bata
na nakatira sa Purok Kalimudan Barangay Pisan, Kabacan, Cotabato.
Sinabi ni Antonio na naisugod pa sa bahay pagamutan ang
dalawang magkapatid na Lumad pero dahil sa matinding kumplikasyon ay binawian
na rin ng buhay ang magkapatid na Alim nito pang Setyembre a-1.
Nabatid na
tatlong linggo ng namonitor na may tigdas sa lugar bago pa man namatay ang
dalawa.
Napag-alaman pa mula sa kalihim ng barangay na bago binawian ng buhay
ang magkapatid na Alim ay may namatay na rin sa tigdas ang isa pang batang
Muslim na sinasabing residente ng Purok Kalimudan ng nasabing barangay.
Hindi pa matiyak kung nabigyan ng Anti-measles vaccine ang
mga biktima.
Dagdag pa ni Antonio na gumagawa naman ang aksiyon ang Rural
Health Unit ng Kabacan kasama ang Barangay Health Unit ng Barangay Pisan para
sa pagsugpo ng naturang sakit.
0 comments:
Mag-post ng isang Komento