Mga residente binalaan ng wag barilin o patayin ang nakitang buwaya sa Kabacan -MENRO

(Kabacan, North Cotabato/ June 6, 2014) ---Isang malaking buwaya ang nakita ng isang traysikel drayber sa hangganan ng Kabacan river partikular sa Kinudal, Matalam at brgy. Dagupan dito sa bayan ng Kabacan nitong Martes ng madaling araw.

Ito ayon kay Kapitan Raymundo Gracia punong barangay ng Dagupan.

Ayon sa opisyal agad umanong umiskapo ang nasabing buwaya ng makita ito ng ilang mga residente sa kanyang barangay.

Sa ngayon, takot na ang ilang mga residente doon na pumunta sa kanilang sakahan dahil sa nakitang buwaya.

Ayon naman sa mismong nakakita nito na si Roland Matullano ng brgy. Dagupan na agad nitong inireport sa pulisya ang nasabing insedente upang matulungan sila katuwang ang MENRO na mahanap ang ansabing hayop.

Batay sa police blotter, ang nasabing buwaya ay may habang mahigit sa dalawang metro na ngayon ay pagala-gala sa mga ilog ng Kabacan.

Patuloy naman ngayon ang panawagan ni MENRO Officer Jerry Laoagan sa Publiko na kung sinu man ang nakakita o makahuli ng nasabing buwaya ay wag barilin o patayin.

Mahigpit kasi itong ipinagbabawal batay sa Republic Act 9147 o Wildlife Act.

Kaugnay nito pina-iingat din ng mga otoridad ang mga residente partikular na ang mga bata na malapit sa ilog upang maiwasan na malapa ng nasabing hayop. Rhoderick Beñez