(Kabacan, North Cotabato/ June 5, 2014) ---Iginiit
ni Kabacan Mayor Herlo Guzman Jr., na may binalangkas na itong Comprehensive
Drainage Plan para matugunan itong mga pagbabaha sa bayan ng Kabacan.
Ginawa ng alkalde ang pahayag matapos na
inireklamo ng ilang mga residente ng Purok Masagana ang matagal ng problema sa
baha sa kanilang lugar tuwing bumubuhos ang malakas na ulan sa Poblacion.
Ayon kay Mayor Guzman pinakikilos na rin
nito ang kanyang Technical Working Group na nakatutok sa pangmatagalang
solusyon hinggil sa pagbabaha sa Kabacan.
Aminado ang punong ehekutibo na hindi
simpleng usapin lamang itong pagbabaha sa bayan bagkus ay kanilang
pinag-aaralan kung paanu ito matutugunan at anung drainage ang gagawin.
Sinabi ng opisyal na hindi gumagawa ng
proyekto ang Pamahalaang Lokal for compliance lamang na matanggal ang baha
kundi pang matagalang solusyon na maibsan ito kung di man tuluyang
masolusyunan.
“Sa ngayon patuloy ang topography survey na
ginagawa ng TWG katulong ang iba’t-ibang ahensiya ng gobyerno na inatasan dito
para tingnan kung anung mga lugar ang bolnerable sa pagbabaha” wika pa ng
alkalde.
Samantala inihayag ng opisyal na may
nakalaang P2.3M para sa pagsasaayos ng drainage system ng Kabacan.
Kabilang sa gagawing major repair ay ang
gagawing butas sa National Highway na didiritso sa Purok Krislam papuntang
Magatos batay sa inisyal na pag-aaral na ginagawa ngayon ng TWG. Rhoderick Beñez
0 comments:
Mag-post ng isang Komento