(Kabacan, North Cotabato/ June 6, 2014) ---Kulungan
ang bagsak ng dalawa katao makaraang ma-aresto dahil sa pagdadala ng armas at
illegal na droga sa ginawang highway check ng mga elemento ng Kabacan PNP sa
National Highway, partikular sa Community Police Assistance Center o COMPAC sa
brgy. Osias, Kabacan, Cotabato alas 2:00 kahapon ng hapon.
Kinilala ni Supt. Jordine Maribojo, hepe ng
Kabacan PNP ang mga naaresto na sina Rey Ganitan, 30-anyos, residente ng
Magsaysay, Davao del Sur na nahulihan ng dalawang pakete ng shabu.
Samantala, kinilala naman ang isa pang
kasama nito na si Randy Juguilon, 34-anyos, may asawa at residente rin ng
nabanggit na lugar.
Nakuha mula kay Juguilon ang isang kalibre
.45 na pistol, 1 magazine at pitong mga bala.
Ang nasabing grupo ay kabilang sa patuloy na
mina-manhunt ng Kabacan PNP.
Malaki ang paniniwala ni Supt. Maribojo na
ang dalawang suspek ay sangkot sa Organized Crime Group na aktibong gun for
hire at mga tulak droga bukod pa sa responsable ang mga ito sa gawaing
carnapping at pang-hohold-up partikular na dito sa bayan ng Kabacan at mga
kalapit bayan sa probinsiya.
Sa ngayon kalaboso at naghihimas ng malamig
na rehas bakal ang dalawa sa Kabacan lock up cell habang inihahanda na ang
karampatang kasong isasampa laban sa mga ito. Rhoderick Beñez
0 comments:
Mag-post ng isang Komento