(Kabacan, North Cotabato/ May 28, 2014) ---Abot
lamang sa 3,576 na pamilya ang apektado ng nakaraang flashflood at pagbabaha sa
anim na mga barangay sa bayan ng Kabacan taliwas sa unang naiulat ng LGU.
Ito ang pinakahuling datos na inilabas ni
Municipal Social Welfare Officer Susan Macalipat sa panayam sa kanya ng DXVL
News kahapon.
Aniya kabilang sa mga barangay na matinding
sinalanta ay ang mga barangays ng: Dagupan, Cuyapon, Upper Paatan, Katidtuan,
Pedtad at Poblacion.
Maliban dito may ilang barangay pa na hindi
nakapagsumite ng kanilang report sa tanggapan ng MSWDO kagaya ng brgy. Lower
Paatan, ayon kay Macalipat.
Ayon sa opisyal nag-iwan naman ng danyos sa
sakahan ang naturang pagbabaha partikular na sa brgy. Katidtuan at Pedtad
habang mga sakahan at pamamahay naman ang naapektuhan sa iba pang lugar.
Kaugnay nito, pinakikilos na rin ni Mayor
Herlo Guzman Jr., ang LGU para sa nakatakdang tulong na ibabahagi sa mga
residenteng naapektuhan ng nasabing kalamidad.
Sa panig naman ng Sangguniang bayan, hindi
pa nagdeklara ng under state of Calamity ang bayan.
Sinabi ni Secretary to the Sangguniang bayan
Beatriz Maderas na posibleng i-aadopt na lamang ng Sangguniang bayan ng Kabacan
ang pagkakadeklara ng State of Calamity na deklarasyon ng Probinsiya. Rhoderick Beñez
0 comments:
Mag-post ng isang Komento