(Kabacan, North Cotabato/ May 27, 2014) ---Nakataas
pa rin ang alerto ng militar sa posibleng ‘retaliation’ na gagawin ng mga
rebeldeng New People’s Army o NPA sa ilang detachment ng militar at himpilan ng
pulisya sa lalawigan ng North Cotabato.
Ito ang sinabi ni 57th IB, PA
Capt. Manuel Gatuz sa panayam sa kanya ng DXVL News.
Sinabi ng opisyal na nagdagdag na rin sila
ng pwersa sa kanilang mga tropa sa bawat barangay partikular na sa bayan ng
Pres. Roxas.
Reaksiyon ito ng opisyal matapos ang mga umuugong
na balita na muling pag-atake ng rebeldeng grupo matapos na bigo po nilang
malusob ang himpilan ng Pres. Roxas noong madaling araw ng Mayo a-20 kungsaan
lima ang naiulat na nasawi kasama na ang dalawang mataas na opisyal ng guerilla
front 53.
Sa kabila nito, tiniyak naman ng opisyal na
kontrolado nila sa ngayon ang sitwasyon sa bayan ng Pres. Roxas.
Patuloy naman ang ginagawa nilang
koordinasyon sa mga pulisya at naglagay na rin sila ng mga hotlines para sa mas
mabilis na komunikasyon kasaling may mga presensiya ng armadong grupo na hindi
naman miyembro ng sundalo o pulis. Rhoderick
Beñez
0 comments:
Mag-post ng isang Komento