Written
by: Roderick Bautista
(Midsayap,
North Cotabato/ January 16, 2014) ---Higit dalawandaang katao mula sa iba’t-
ibang sektor ang dumalo sa Bangsamoro Basic Law Consultation ngayong araw na
ginanap sa Audio Visual Center ng Southern Christian College, Midsayap, North
Cotabato.
Sa
kanyang mensahe ay inihayag ni Mindanao Peoples Caucus Secretary General Mary
Ann Arnado na mahalagang makonsulta ang mga mamamayan tungkol sa magging laman
ng Bangsamoro Basic Law na ginagawa na ngayon ng Bangsamoro Transition
Commission o BTC.
Nagsisilbi
umanong malaking oportunidad ang konsultasyon para sa mamamayan upang maiwasan
ang gulo at pagkalito tungkol sa nilalaman ng panukalang batas na siyang bubuo
sa Bangsamoro New Autonomous Political Entity.
Ginawa
ring halimbawa ni Arnado ang kaso ng Memorandum Agreement on ancestral Domain o
MOA-AD na ideneklarang ‘unconstitutional’ ng Korte Suprema dahil sa kawalan ng
konsultasyon at pagbibigay impormasyon sa stakeholders.
Ayon
kay Arnado isa sa mahalagang aral ng mga karanasan sa pagsusulong ng usaping
pangkapayapaan sa Mindanao ay ang pagkonsulta sa mga mamamayan.
Hinikayat
din niya ang mga dumalo na tumulong sa information campaign tungkol sa
nilalaman ng Framework Agreement at ng iba pang annexes nito.
Nabatid
na ang natukoy na konsultasyon tungkol sa batas na bubuo sa Bangsamoro ay
inorganisa ng Southern Christian College, Civil Peace Service, Bread For The
World kaagapay ang PALMA-PB Alliance of Municipalities Project Management
Office.
0 comments:
Mag-post ng isang Komento